Salam Kemerdekaan 2018

Selalu gak orang tanyo den, “Apo sodap eh main redio nie?”. “Ontah la, den pun tak tau. Sobab den gomar cakap kek redio kot. Marin maso memudo nak jadi DJ redio, tapi soro tak sodap, tu yang tak dapek tu. Den cubo torangkan secara ringkas agar orang yang bertanyo tu paham. Sebonarnya, den pun tak tau apo yang best eh, tapi den gomar dongar orang cakap. Hehehehe…

Ghaso eh, ini la kali pertamo den poie perarakkan kemerdekaan walaupun den dah 39 tahun merdeka. Disobakan ghumah den dokek ngan Dataran Putrajaya, den ghaso den nak poie tahun nie. Iyo la, menapak pun sampai. Sebonar eh, den naik keto gak. Sobab kesiankan kek bebudak nie nak kono menapak. Bilo sampai jam 8 pagi, osah ghamai boto umat Nabi Muhammad nie. Den sebonar eh, terujo boto ngak tengok nengok aset udara kito. Orang koba kito ado Sukoi (Sukhoi Su-30MKM) ngan Airbus A400. Kot Pendekar ker, den dah ponah tengok. (Pendekar merupakan jolokan nama kereta kebal tempur utama Malaysia ataupun PT-91M).

Continue reading “Salam Kemerdekaan 2018”